اسلام آباد ۔ 28 دسمبر (اے پی پی)آئی ایم ایف اپنڑی تازہ رپورٹ اچ آکھیے جوپاکستان دا قرض اٹھاسی فی صد توںگھٹ تھی تے جی ڈی پی دا 84.7 فیصدتھی گئے۔قرض اچ اے کمی اصل اچ ایں مالی سال دے پہلے 5مہینے اچ اخراجات گھٹ کرنڑ، بنیادی بجٹ سرپلس رجسٹر کرنڑ اتے ٹیکس و غیر ٹیکس محصولات اچ وھدارے پاروں تھئے۔آئی ایم ایف ایں چنگی کاردگی کوں پی ٹی آئی حکومت دے عزم دی کامیابی قرار ڈیندے آکھیے جو مالی سال 20-2019 دی پہلی سہ ماہی موجودہ حکومت ولوں بجٹ تے عمل در آمد اچ بہتری آئی جیندے نال جی ڈی پی دا 0.6 فیصد دا بنیادی سرپلس اتے 0.6 فیصد دا مجموعی خسارہ سامنڑے آئے،کارکردگی اچ بہتری غیر محصولاتی ریوینو اتے ریفنڈز دے ٹیکس ریوینو نیٹ ودھنڑ نال تھئی اے،ایں دوران درآمدات اچ کمی نال کسٹمز رسیداں اتے بئے بیرونی شعباں بارے ٹیکسز اچ اوکھ رہے جڈاں جو صوبیاں ولوں اخراجات احتیاط نال کیتے گین۔رپورٹ موجب مالی سال 2019اچ بجٹ اچ جی ڈی پی دا 3.5 فیصد اتے مجموعی 8.9 فیصد خسارہ ریکارڈتھئے جڈاں جو ہدف بالترتیب 0.8 فیصد اتے 7 فیصدرکھیا گیا ہا،وفاقی سطح تے محصولات جمع کرنڑ دی شرح جی ڈی پی دے 2 فیصد تئےں رہی جیڑھی امید توں گھٹ اے جڈاں جو اخراجات اتے صوبائی مالی توازن تخمینے دے مطابق ہن۔
