ریاض۔ 10 جنوری (اے پی پی)سعودی عرب آسٹریلیا کوں جنگل دی بھاہ وسماونڑ تے تعاون دی پیشکش کیتی اے ۔ سعودی ذرائع ابلاغ دے مطابق شاہ سلمان ٹیلیفونک رابطے دے دوران واضح کیتے جو سعودی عرب انہاں ڈینھاں آسٹریلیا دے جنگلات اچ لگی بھاہ تے قابو پاونڑ اچ ہر ممکن امداد تے تعاون کیتے تیار اے ۔گال مہاڑ دے دوران شاہ سلمان بن عبدالعزیز جنگلات اچ لگنڑ آلی بھاہ پاروں جاں بحق تھیونڑ آلیں دے لواحقین ، آسٹریلیادے وزیراعظم اتے عوام نال ڈکھ دا اظہار کیتے ۔آسٹریلیا دے وزیراعظم اپنڑے ملک تے عوام متعلق جذبات تے احساسات دے اظہار تے شاہ سلمان اتے سعودی عوام کیتے چنگے جذبے دا پیغام ڈتے۔
