اقوام متحدہ۔ 10 جنوری (اے پی پی)اقوام متحدہ دے ماتحت خصوصی ادارے اعلان کیتے سعودی عرب انسانی ہمدردی دی بنیاد تے امداد ڈیونڑ آلا عرب دنیا دا پہلا تے عالمی برادری دا پنجواں وڈا ملک اے ۔سعودی خبررساں ادارے دے مطابق اقوام متحدہ دے ماتحت مالیاتی سرگرمیاں دے نگراں ادارے اپنڑی رپورٹ اچ آکھیے جو سعودی عرب 2019ءاچ ہک ارب 281 ملین امریکی ڈالر انسانی ہمدردی دی بنیاد تے امداد ڈتی ۔رپورٹ اچ آکھیا گے جو 2019 دے دوران یمن کوں ساریں توں ودھ امداد ڈیونڑ آلا ملک سعودی عرب اے جیں یمن کوں ہک ارب 216 ملین ڈالر پیش کیتے۔ اے یمن کوں پیش کیتی ونجنڑ آلی کل مدد دا 31.3 فیصد اے۔
