اسلام آباد ۔ 24 جنوری (اے پی پی) مالی دے شروع دے چھی مہینے غیر ملکی سرمایہ کاراں ولوں پاکستان اچ کیتی گئی سرمایہ کاری توں حاصل منافع جات دی باہرلے ملک منتقلی اچ 10فیصد ودھارا تھئے ۔ سٹیٹ بینک آف پاکستان (ایس بی پی) دے اعدادوشمار دے مطابق مالی سال اچ جولائی توں دسمبر 2019ءدے دوران غیرملکی سرمایہ کاراں 836.3 ملین ڈالر دے منافع جات دی باہرلے ملک منتقلی کیتی گئی جڈاں جو گزریل مالی سال اچ جولائی توں دسمبر 2018ءدے دوران پاکستان اچ سرمایہ کاری کرنڑ آلے غیرملکی سرمایہ کاراں 759.5 ملین ڈالر دے منافع جات اپنڑے ملکاں کوں منتقل کیتے ہن۔ اینویں گزریل مالی سال دے پہلے چھی مہینے دے مقابلے اچ اجوکے مالی سال دے ایں عرصے دے دوران غیر ملکی سرمایہ کاری توں حاصل منافع جات دی باہرلے ملک منتقلی اچ 76.8 ملین ڈالر یعنی 10 فیصد اضافہ ریکارڈ کیتا گے ۔
