حکومتی اقدامات نال کجھ مہینے اچ مہانگ گھٹ ویسی،آئی ایم ایف پروگرام نال ہی پاکستان تے جگ اتے عالمی اداریاں دااعتماد بحال تھئے،مشیر خزانہ ڈاکٹر عبدالحفیظ شیخ دا قومی اسمبلی اچ ملک دی اقتصادی صورتحال تے پالیسی بیان

اسلام آباد ۔ 12 فروری (اے پی پی) وزیراعظم دے مشیر برائے خزانہ و محصولات ڈاکٹر عبدالحفیظ شیخ آکھیے جو حکومتی اقدامات نال کجھ مہینے اچ مہانگ گھٹ ویسی،حکومت دا مرکزپاکستان دے لوک ہین، ذاتی مفادنئیں،آئی ایم ایف پروگرام نال ہی پاکستان تے جگ اتے عالمی اداریاں دااعتماد بحال تھئے۔اے گالھ انہاں قومی اسمبلی اجلاس اچ پالیسی بیان ڈیندے آکھی۔ انہاں آکھیا جوپائیدار ترقی اتے ودھوتری کیتے پائیدار پالیسیاں جاری رکھنڑیاں ہوسن، معاشرے دے غریب اتے کمزور طبقات کوں مہنگائی دے اثرات توں بچاونڑکیتے جامع اقدامات کیتے گین، حسابات جاریہ دے خسارے اچ نمایاں کمی تھئی اے‘ حکومتی اقدامات نال آندے کجھ مہینے اچ مہنگائی بئی گھٹسی،عوام حکومتی سہولتاں توں فیدہ چیندے ہوئے یوٹیلٹی سٹورزتوں اشیاءخوردونوش گھنن، یوٹیلٹی سٹورز تے خریداراں دی تعدادہک کروڑتئیں ودھیسوں جڈاں جو بئے ڈوہزار یوٹیلٹی سٹورز کھولیے ویسن۔انہاں ملک دے معاشی پس منظر اتے پیش منظرتے تفصیلات ڈسائی۔انہاںا ٓکھیا جو اجوکے ملکی حالات ماضی نال جڑیے ہوئن،ایندے بغیر معاشی حالات تے بحث نئیں کیتی ونج سگدی۔ماضی دیاں حکومتاں مصنوعی طریقے نال ایکسچینج ریٹ فکس کیتا ہا،وراثت اچ ملنڑ آلے خسارے مسلے کھڑے کیتن،بھل اساں چنگی پالیسیاں نال معیشت کوں اپنڑے پیریں تے کھڑا کیتے۔