بغیر کہیں جواز دے تنقید کرنڑ آلیاں دی لاعلمی تے افسوس ای کیتا ونج سگدے،وزیراعظم عمران خان مستحق بندیاں،مزدوراں اتے محنت کشاں سانگے ملک دی تاریخ دا ساریاں توں وڈا پیکیج ڈتے،پنجاب اگلے محاذ تے لڑدے ڈاکٹراں ،نرساں اتے طبی عملے کوں ہک مہینے دی ودھیکی تنخواہ ڈیونڑ دا اعلان کیتے، ڈاکٹر فردوس عاشق اعوان

اسلام آباد ۔ 18 اپریل (اے پی پی)وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو بغیر کہیں جواز دے تنقید کرنڑ آلیاں دی لاعلمی تے افسوس ای کیتا ونج سگدے،وزیراعظم عمران خان مستحق بندیاں،مزدوراں اتے محنت کشاں سانگے ملک دی تاریخ دا ساریاں توں وڈا پیکیج ڈتے،پنجاب اگلے محاذ تے لڑدے ڈاکٹراں ،نرساں اتے طبی عملے کوں ہک مہینے دی ودھیکی تنخواہ ڈیونڑ دا اعلان کیتے۔کورونا دے خلاف لائن آف ڈیوٹی تے کہیں سرکاری ملازم یا ڈاکٹر دی قیمتی جان دا خدانخواستہ ضیان تھیندے تاں پنجاب دی حکومت انہاں کوں شہداءپیکیج ڈیونڑ دا اعلان کیتے۔ہفتے کوں معاون خصوصی ڈاکٹر فردوس عاشق اعوان آکھیا جو گریڈ 1 توں 16 تئیں دے ٹبراں اچ40 لکھ جڈانجو 17 توں اُتے 80لکھ دی امداد شامل اے،وزیراعظم عمران خان ہک کروڑ20لکھ ٹبراں کوں 12000فی ٹبر امداد ڈتی اے،ایں مد اچ 144ارب روپے روپے غریباں کوں ڈتے ویندے پئن۔انہاں آکھیا جو نو اپریل توں ہنڑ تئیں ملک اچ تقریباً 41لکھ40ہزار ٹبراں اچ 49ارب68کروڑ5لکھ روپے تقسیم تھی گئن۔