حکومت کرونا وائرس بارے کہیں کنفیوژن دا شکار نئیں، میرٹ اتے لیڈر شپ دا احتساب جمہوریت دے بنیادی اصول ہین،جے تئیں قیادت دا احتساب نہ تھیسی ملک اگو تے نئیں ودھ سگدا،کرونا اتے ٹدی دل مکاونڑ اچ ردھیے ہوئے ہیں،وزیراعظم عمران خان دا قومی اسمبلی دے بجٹ اجلاس نال خطاب

اسلام آباد ۔ 25 جون (اے پی پی)وزیراعظم عمران خان آکھیے جو میڈی کہیں نال دشمنی اے نہ کہیں توں بدلہ گھنڑ مقصد اے، میرٹ اتے لیڈر شپ دا احتساب جمہوریت دے بنیادی اصول ہین،جے تئیں قیادت دا احتساب نہ تھیسی ملک اگو تے نئیں ودھ سگدا،امیر اتے غریب دی ودھدی وتھی ترقی اچ وڈی رکاوٹ اے،کرونا اتے ٹدی دل مکاونڑ اچ ردھیے ہوئے ہیں۔اے گالھ وزیراعظم عمران خان قومی اسمبلی دے بجٹ اجلاس نال خطاب کریندے آکھی۔ انہاں کورونانال نبڑن کیتے حکومتی اقدامات،پالیسی، معیشت دی صورتحال، خارجہ محاذ تے پاکستان دیاں کامیابیاں تے تفصیلی الوائے۔ انہاں آکھیے جو ٹڈی دل مکاونڑ کیتے حکومت 31 جنوری کوں ہی ایمرجنسی ڈیکلیئکر ڈتی ہئی اتے ایندے کیتے ،حکومت این دی ایم اے کوں مکمل اختیارات ڈتن جو ٹدی دل مکاونڑ کیتے ودھ اقدامات کرے،پوری قوم رل تے ایں آفت نال نبڑدی پئی اے۔وزیراعظم آکھیا جو کرونا دے حالات سماجی فاصلے اتے ایس او پیز اچ غیر سنجیدگی نال وگڑین،کرونا بارے ترقی یافتہ ممکاں اتے ساڈے حالات مختلف ہیں،اساں لوکاں کوںکرونا اتے غربت ڈوہاں توں بچاونڑ دی پالسیسی اپنائی اے جیندے تے میکوں ودھ تنقید دا نشانہ بنڑایا گئے،بھل اساں سخت لاک داون دی بجائے سمارٹ لاک ڈاون اپنائے تاں جو ملکی معیشت وی ٹردی راہوے اتے غریب دا چلہا وی بلدا راہوے، تہوں مختلف شعبے کھولنڑ دی اجازت ڈتی اے،آکھیا گئے جو حکومت ایں سانگے کنفیوژاے بھل بھل جگ اچ صرف اساں ہی ہیسے جیندی کرونا تے واضھ پالیسی اے ،اساں اپنڑے وسائل اتے لوکاں دے تحفط کوں ڈیہدے ہوئے فیصلے کیتن ،این سی او سی بہترین حکمت عملی پنائی اے جیکوں صوبیاں وی حمایت ڈتی اے،اج وینتی لیٹرز، ماسک اتے بئے ضروری آلات دی کوئی تھوڑ کائنی، قرنطینہ سنٹرز اتے ہسپتالاں اچ صورتحال قابو اچ اے جیکر اھتیاط نہ ورتی گئی تاں حالات بئے وی وگڑ ویسن،ایس او پیز تے عملدرآمد کراونڑ کیتے ٹائیگر فورس کوں ذمہ داریاں ڈے ڈتن،جیکر ہک مہینے احتیاط کر گھنوں تاں ایں مسلے توں نکل ویسوں۔وزیراعظم آکھیے جو کرونا پاروں جگ اچ وڈے اقتصادی بحران دی صورتحال اے،جڈاں اساں حکومت اچ آئے ہاسے تاںبہوں بری معیشت ورثہ اچ ملی ہئی، اساں حسابات جاریہ داخسارہ 20 ارب ڈالرتوں تلے ترائے ارب ڈالر تئیں گھٹا ڈتے، برآمدات 20 اتے درآمدات 60 ارب ڈالرونجنڑ نال ایکسچینج ریٹ اچ فرق پئے اتے مہانگ تھئے،بھل حکومت دے ویلھے سر اقدامات نال روپیہ دی قدر مستحکم تھئی اے،سادا پہلا سال پچھلی حکومتاں دے گھدے گئے قرض لہاونڑ اچ گذریے،بھل دوست ملکاں توں اپنڑے ملک کیتے فنڈزکٹھے کر تے اپنڑے ہسپتالاں‘ سیلاب ‘ زلزلہ زدگان کیتے پیسے منگدے شرم محسوس نئیں تھئی،وزیراعظم پیو دی جاہ تے ہوندے جیکر اوندے بال بھکے ہوون تاں کیابادشاہ بنڑیا بیٹھا راہساں یا اپنڑے خرچے گھٹ کریساں اتے انہاں کوں پالنڑ دا ترلا کریساں؟اساں اخراجات گھٹائن،ڈاہ سال اچ قرضہ اسمان تے پج گئے،حکومت سٹیٹ بنک دی چھی ٹریلین دی مقروض ہئی،اساں ڈو سالاں اچ پنج ہزار ارب دا قرضہ لہائے،اساں اے قرضہ مکائے اتے سٹیٹ بنک توں بیا قرض وی نئیں گھدا،حکومت کوں 1.2 ٹریلین گردشی قرضہ ورثہ اچ ملیے، توانائی دے سارے کنٹریکٹس گزشتہ حکومتاں گھدن،مہانگی بجلی گھن تے سستی ویچی،مہانگی ایل پی جی منگوائی،اتنے بھار سٹ تے ہنڑ ساڈے توں حساب منگیا ویندے،ولدا تاں او ڈیون جئیں ملک کوں ایں حالت اچ پچائے۔وزیراعظم آکھیے جو حکومت غریباں تے ودھ توجہ دیندی پئی اے جیندے کیتے احساس پروگرام ہک مثال اے،ایکوں بیاں ودھایا ویسی۔