آزاد جموں و کشمیر اچ کرونا دی صورتحال بہوں کنٹرول اچ اے،ایس او پیز تے عمل نہ چھوڑیا ونجے، کرونا دے منفی معاشی اثرات دے باوجود آزاد جموں و کشمیردے بجٹ اچ سالانہ گرانٹ بئی ودھائی اے،وزیراعظم عمران خان داآزاد جموں و کشمیراچ کورونا وائرس دی صورتحال،ترقیاتی منصوبیاں دے جائزہ اجلاس نال خطاب

مظفر آباد ۔ 26 جون (اے پی پی)وزیراعظم عمران خان تسلی کریندے آکھیے جو آزاد جموں و کشمیر اچ کرونا دی صورتحال بہوں کنٹرول اچ اے،ایس او پیز تے عمل نہ چھوڑیا ونجے، کرونا دے منفی معاشی اثرات دے باوجود آزاد جموں و کشمیردے بجٹ اچ سالانہ گرانٹ بئی ودھائی اے،اے گالھ زیراعظم عمران خان آزاد جموں و کشمیراچ کورونا وائرس دی صورتحال،ترقیاتی منصوبیاں دے جائزہ اجلاس نال خطاب کریندے آکھی۔اجلاس اچ وزیر برائے امور کشمیر و گلگت بلتستان علی امین گنڈاپور، صدر آزاد جموں و کشمیر سردار مسعود خان، وزیر اعظم آزاد جموں و کشمیر راجہ فاروق حیدر، معاون خصوصی ڈاکٹر ثانیہ نشتر، آزاد جموں و کشمیر کابینہ دے وزراءو سینیئر افسران شرکت کیتی۔چیف سیکرٹری آزاد جموں و کشمیراجلاس کوںآزاد جموں و کشمیر اچ کورونا وائرس دی صورتحال،علاج و ڈیکھ بھال،ڈاکٹراں اتے طبی عملے دی استعداد بارے بریفنگ ڈتی۔انہاں کرونا بارے ایس او پیز تے عملدرآمد،ہیلتھ کارڈ دی آزاد جموں و کشمیر اچ ونڈ، لائن آف کنٹرول دے متاثرین دی مدد، ترقیاتی منصوبیاں تے وی حکمت عملی ڈسائی۔صدر اتے وزیراعظم آزاد کشمیر عوام دی بھلائی کیتے ہر موقع تے ہتھ ونڈاونڑ تے وفاقی حکومت دا شکریہ ادا کیتے۔ایں موقع تے وزیراعظم عمران خان اطمینان کیتا جو کشمیر اچ کرونا دی صورتحال قابو اچ اے،ایندے باجودبالاں، بڈھڑے شہریان دے تحفظ کیتے سمارٹ لاک ڈاون اتے بئے ایس او پیز تے عملدرآمد نہ چھوڑیاونجے۔انہاں زور دتے جو عید تے ودھ اھتیاط ورتی ونجے ۔انہاں آکھیے جو کورونا وائرس پاروں معیشت تے بہوں گندااثرپئے بھل اوکھے حالات دے باوجوداساںآزاد جموں و کشمیر دی بجٹ اچ سالانہ گرانٹ گھٹاونڑ دی بجائے بئی ودھائی اے،وفاقی حکومت گلگت بلتستان اتے بلوچستان دے بجٹ اچ وی کمی نئیں کیتی،ساکوں احساس اے جو جے تئیں پسماندہ اتے گھٹ ترقی یافتہ علاقے ترقی نہ کریسن اوتئیں پاکستان ترقی نہ کرسگسی۔