سندھ دا علاقہ تھر لونڑ دے ذخائرنال مالا مال،لونڑ دے ذخائر کوں صنعت دا درجہ ڈیونڑ اتے فیکٹریاں لاونڑ نال تبدیلی آ سگدی اے،مقامی لوکاں اتے مزدوراں دا مطالبہ

اسلام آباد۔26 جولائی (اے پی پی )سندھ دے علاقے کوں کوئلے، گرینائٹ اتے نمک دے ذخیرے دی نعمت نال نوازیا گئے جیندے توں فیدہ چیندے ہوئے اونکوں خوشحالی اچ بدلیا ونج سگداے تے مقامی لوکیں دی حیاتی اچ چنگائی آسگدی اے۔ تھرپارکر اچ کوئلے وانکنڑ نمک دے وڈے ذخیرے موجودان‘جیڑھا روزانہ ہزاراں ٹن اندرلے تے باہرلے ملک بھیجیا ویندا اے ‘ ملک کوں قیمتی غیرملکی زرمبادلہ ڈیونڑ آلے نمک دے کاروبار کوں صنعت دا درجہ نہ ملنڑ پاروں اے ذخائر عوام سانگے خاطر خواہ سودمند ثابت نہیں تھی سگدے‘ مناسب مواصلاتی رابطہ نہ ہوونڑ پاروں مزدورآپدی محنت دی اصلی اجرت نی جانڑدے تے تھولے پیسیاں اچ مزدوری کرنڑ تے مجبورہین ۔مزدوراں تے مقامی آبادی دا آکھنڑ اے جوتھرپارکر اچ نمک دیاں فیکٹریاں لاونڑ نال تھرتوں بیروزگاری مکائی ونج سگدی اے ‘ تھر دے نمک دیاں کاناں توں نکلنڑ آلے نمک کوں صاف کرنڑدے نال نال فلٹر کرنڑ اتے پیکنگ کرنڑدیاں فیکٹریاں تھراچ لاونڑ نال تھر دے ہزاراں بے روزگار لوک روزگار تے لگ سگدن ایندے نال پسماندہ ضلع اچ ترقی دے نواں دورشروع تھیسی۔