اسلام آباد ۔ 22 اپریل (اے پی پی)اقتصادی راہداری دے تحت پورے ملک اچ 10ہزار 4سو میگاواٹ بجلی دے پیداوار دے 14منصوبے 2018تئیں پورے کیتے ویسن ،اے منصوبہ بلوچستان اتے ملک دی معاشی ترقی دا زینہ ہے ،امن وامان دی صورت حال اچ بتدریج چنگائی دے نال غیر ملکی سرمایہ کار پاکستان دا رخ کریندے پئے ہن،اتے امن او امان دی صورت دی بدولت بلوچستان اچ نویاں صنعتاں بنڑ ویسن جیں نال نہ صرف روزگار دے موقع پیدا تھیسن بلکہ اتھاں دے لوکوں اچ معاشی استحکام دی بدولت خوشحالی تے بہتری معیار زندگی دیاں سہولتاں میسر امسن ۔جمعے کوں پلاننگ کمیشن دے حکام ”اے پی پی ” کوں ڈسایا جو راہدارے منصوبے دی تکمیل نال نہ صرف پاکستان دی اقتصادی صورت حال چنگی تھیسی بلکہ چینی حکمت عملی نال ایں منصوبے توں چین دے مغربی خطے دی قسمت بدل ویسی ۔انہاں آکھیا جو حکومت مستقبل اچ توانائی دیاں ضرورتاں پوریاں کرنڑ سانگے شفاف اتے سستی توانائی متعارف کرائی ہے ،چین پاکستان اقتصادی راہداری منصوبہ تاپی اتے کاسا 1000جیویں ڈوجھے بین العلاقائی منصوبیں دے نتیجے اچ پاکستان خطے سانگے توانائی دے حوالے اگلی راہداری بنڑ سگدا ہے ۔انہاں ڈسایا جو پاک چین اقتصادی راہداری دے تحت اہم منصوبیں اچ گوادر پورٹ دی اپ گریڈیشن ،گوادر پورٹ ایکسپریس وے ،گوادر انٹرنیشل ائیر پورٹ،اتے کراچی سکھر موڑوے شامل ہن ۔انہاںڈسایا جو چین پاکستان اقتصادی راہداری منصوبہ وسطی ،مغربی اتے جنوبی ایشیاء ،مشرق وسطیٰ اتے افریقی ملکاں دی ترائے ارب آبادی کوں ہک چنگاں پلیٹ فارم ڈیسی ۔انہاں ڈسایا جو تجارت ،سرمایہ کاری اتے مالی امداد اچ تکھے خطے اچ امن تے خوشحالی آئوسی ۔
