نئی دہلی ۔ 26 اپریل (اے پی پی) سیکرٹری خارجہ اعزاز احمد چوہدری منگل کوں اتھاں بھارت دے خارجہ سیکرٹری ڈاکٹر ایس جے شنکر نال ملاقات کیتی اتے وزیراعظم محمد نواز شریف دے وژن دے مطابق بھارت سمیت سارے ہمسایہ ملکاں دے نال دوستانہ تعلقات سانگے پاکستان دے عزم دا اعادہ کیتا ۔ خارجہ سیکرٹری اعزاز احمد چوہدری ہارٹ آف ایشیاء استنبول عمل دے اعلیٰ حکام دے اجلاس اچ شرکت سانگے گزریل ڈینھ بھارت پجے۔ دفتر خارجہ دے ترجمان نفیس زکریا سماجی رابطے دی ویب سائٹ تے اپنڑے ہک بیان اچ آکھیا ہے جو ایں ملاقات نال ڈو پاسے تعلقات دے تناظر اچ تھیونڑ آلی اجوکی پیشرفت متعلق گالھ مہاڑ سانگے ہک چنگاںموقع میسر آیا ۔انہاں جمو ں تے کشمیرسمیت سارے تصفیہ طلب مسلیں تے خیالاں دا تبادلہ کیتا ۔خارجہ سیکر ٹری ایں گالھ تے زور ڈتا جو جھیڑا کشمیر ہک اہم معاملہ ہے جیرھا اقوام متحدہ دی سلامتی کونسل دیاں قرار داداں کشمیری عوام دیاں امنگاں دے مطابق منصفانہ حل دا متقاضی ہے ۔
