بیجنگ ۔ 28 اپریل (اے پی پی) مشیر خارجہ سرتاج عزیز آکھیا جو پاکستان سارے معاملیاں تے جامع مذاکرات دے تحت پائیدار امن دے حصول سانگے پرعزم اے،جنوبی ایشیاء اچ پائیدار امن اتے استحکام سانگے کشمیر دا تنازعہ سلامتی کونسل دی قرارداداں اتے کشمیری عوام دی امنگاں دے مطابق حل کرنڑ ضروری اے،پر امن اتے مستحکم افغانستان پاکستان دے بہترین مفاد اچ اے ،شام اتے یمن دے تنازعات صرف پر امن سیاسی مذاکرات نال حل کیتے ونج سگدن،ایشیاء معیشت اتے تجارت دے شعبیاں اچ نشابر پیشرفت تھی اے۔اے گالھ انہاں خمیس کوں بیجنگ اچ ایشیاء اچ اعتماد سازی دے اقدامات بارے کانفرنس نال خطاب کریندیں ہوئیں آکھی۔مشیر خارجہ آکھیا جو خطے اچ دہشت گردی اتے شدت پسندی دی بنیادی وجوہات تے توجہ مرکوز رکھنڑ اتے انہاں دے جلدی توں جلدی قابو پاونڑ دی لوڑھ اے ۔سرتاج عزیز آکھیا جو افغانستان اچ قیام امن نال پاکستان اچ گزریل ترائے ڈھاکیاں توں رہنڑ آلے افغان مہاجرین آپنڑے ملک واپسی ونج سگسن۔انہاں آکھیا جو پر تشدد دہشت گردی خطے اچ کئی ملکاں کوں عدم استحکام توں ڈو چار کیتے ،ہزاراں بے گناہ لقمہ اجل بنڑ گئن جڈانجو لکھاں لوک نقل مکانی تے مجبور تھین ۔
