اسلام آباد۔ 28 اپریل (اے پی پی) پاکستان اچ تخفیف غربت پروگرام دے تحت بہوں مستحق لوکاں دی مالی معاونت سانگے مائیکرو فنانس انوسٹنمٹ کمپنی دے قیام دا سمجھوتہ طے پاگیا۔مائیکرو فنانس انوسٹنمٹ کمپنی یکم جولائی 2016 توں کم شروع کر ڈیسی ۔ ایں سلسلے اچ خمیس کوں اتھاں پاکستان، جرمنی اتے برطانیہ دے اداریں وچال مفاہمت دیاں یاداشتاں تے دستخط کیتے گے۔ وفاقی وزیر خزانہ سینیٹر اسحاق ڈار اتے سیکرٹری اقتصادی امورڈویژن طارق باجوہ وی تقریب اچ موجود ہن۔ ایں موقع تے خیالاں دا اظہار کریندے ہوئیں وفاقی وزیرآکھیا جو معاہدے دے تحت پاکستان اچ تخفیف غربت پروگرام سانگے پاکستان 3ارب خرچ کریسی جڈاںجو برطانوی ترقیاتی ادارہ 15لکھ پاﺅنڈ اتے جرمنی دا بنک کے ایف ڈبلیو 70لکھ یورو ڈیسی ۔
