آندے 24 گھنٹیاں اچ ملک دے بہوں سارے علاقیاں اچ موسم رُکھا تے گرم جڈانجو ملک دے وسطی اتے جنوبی علاقیاں اچ شدید گرم راہونڑ دا امکان، محکمہ موسمیات

اسلام آباد ۔ 8 مئی (اے پی پی) محکمہ موسمیات آندے 24گھنٹیاں اچ ملک دے بہوں سارے علاقیاں اچ موسم رُکھاتے گرم جڈانجو ملک دے وسطی اتے جنوبی علاقیاں اچ شدید گرم راہونڑ دی پیش گوئی کیتی ہے ۔ ایں طرح آندے ڈو ڈینھ اچ ملک دے اکثر علاقیاں اچ موسم گرم اتے خشک جڈانجو میدانی علاقیاں اچ شدید گرم راہونڑ دا امکان ہے ۔ محکمہ موسمیات کاشتکار اں کوں ہدایت کیتی ہے جو او موسمی صورتحال دے مطابق کنڑ ک دی کٹائی اتے گہائی جاری رکھن اتے ایندا کم تکھے توں تکھے پورا کرن۔ رپورٹ دے مطابق گزریل 24گھنٹیاں اچ ملک دے بہوں سارے علاقیاں اچ موسم گرم اتے خشک ریہا ، اتے ملک دے کجھ علاقیاں اچ درجہ حرارت 45ڈگری سینٹی گریڈ تئیں ودھ گیا۔