راولپنڈی ۔ 25 مئی (اے پی پی) بری فوج دے سربراہ جنرل راحیل شریف دا آرمڈ فورسز انسٹی ٹیوٹ آف آپتھلمولوجی دا دورہ آپریشن ضرب عضب دے زخمی فوجیاں نال ملاقات کیتی۔آئی ایس پی آر دے مطابق بری فوج دے سربراہ جنگی ہیروز نال گالھ مہاڑ کیتی اتے انہاں دی بہادری اتے قربانی تے انہاں کوں خراج تحسین پیش کیتا۔ انہاں آکھیا جو اساں کہیں توں پچھوں کائنا ہٹسوں ،آئی ای ڈی دھماکیاں نال ہنڑ تئیں کل 179فوجیاں دی بصارت پوری یا جزوی ضائع تھی اے۔ایں ویلھے آرمڈ فورسز انسٹی ٹیوٹ آف آپتھلمولوجی اچ 56 بہادر فوجیاں دا علاج تھیند اپئے جنہاں اچوں 30دی ڈوہیں اکھیاں ضائع تھی گئیاں ہن ۔ انسٹی ٹیوٹ دے دورہ وچال جنرل راحیل شریف کوں بصری طور تے معذور تھیونڑ آلے فوجیاں دی بحالی دے جدید مرکز دے پائلٹ پراجیکٹ بارے تفصیلی بریفنگ ڈتی گئی جئیں اچ کمپیوٹر/آئی ٹی لیبارٹری، بریل، ووکیشنل اتے تفریحی سہولیات شامل ہن ۔برج فوج دے سربراہ کوں ڈسایا گئیا جو کجھ زخمیاں دی نظر بحال کرنڑ سانگے ساری کوششاں جاری ہن جنہاں دا علاج تھیندا پئے ۔جنرل راحیل شریف سار ی متعلقہ حکام کوں ہدایت کیتی جو قومی ہیروز کوں چنگے علاج ڈیونڑ اچ کوئی کسر نہ رکھی ونجے ۔ایں توں پہلے انسٹی ٹیوٹ پجنڑ تے بری فوج دے سربراہ دا استقبال ایڈجوٹنٹ جنرل لیفٹیننٹ جنرل انور علی حیدر اتے سرجن جنرل پاکستان آرمی لیفٹیننٹ جنرل سیّد محمد عمران مجید کیتا۔
