اسلام آباد ۔ 23 مئی (اے پی پی)صدر مملکت ممنون حسین آکھیا جو قبائلی علاقیاں دی ترائے ایجنسیاں دے بے گھر بندیاں دی آپنڑے گھراں اچ واپسی پوری تھی گئی اے،بئی ترائے ایجنسیاں دے بندیاں دی واپسی جلدی پوری تھی ویسی۔اے گالھ انہاں فاٹا دے مشیران نال سونوار کوں ایوان صدر اچ ملاقات اچ گالھ مہاڑ کریندیں ہوئیں آکھی۔ایں موقع تے سینیٹر مشاہد اللہ خان اتے ستائیں قبائلی ایجنسیاں توں تعلق رکھنڑ آلے مشیران موجو دہن ۔صدر مملکت آکھیا جو بے گھر بندیاں دی ولا آباد کاری سانگے حکومت وڈی رقم رکھی ہوئی اے۔انہاں آکھیا جو آپریشن ضرب عضب دے چنگے نتیجے سامنڑے امدے پئن اتے فاٹا دی ستائیں ایجنسیاں دے حالات معمول تے امدے پئن ۔انہاں آکھیا جو حکومت سدھے پاسے کم کریندی پئی اے ،ایں نال ملک دی معیشت چنگی تھیسی۔
