گوجرانوالہ۔7 مئی(اے پی پی )وفاقی وزیرتجارت انجینئر خرم دستگیر خان آکھے جو مسلم لیگ (ن) دی حکومت تعلیم دے شعبے تے خصوصی توجہ ڈے تے ہرگھر اچ علم دی روشنی پھیلیندی پئی ہے ، خادم پنجاب شہباز شریف سکولاں دیاں ونویاں عمارتاں اتے بیا ں سہولتاں ڈیونڑ کیتے بہوں سارے وسائل ڈتے ہن ، لوکیں کوں روشن پاکستان دی منزل سامنڑیں نظر آندی پئی ہے جڈانجو مخالفین اکھیں تے تعصب دی پٹی بدھی ہوئی ہے ۔ اے گالہیں انہاں گورنمنٹ ایلیمینٹری سکول گرجاکھ دی نویں عمارت دی افتتاحی تقریب نال خطاب کریندے ہوئیں آکھیاں۔ وفاقی وزیر آکھیا جو میکو ں بہوں خوشی ہے جو گرجاکھ دے ایلمینٹری سکول اچ ہنڑ کہیں وی سہولت دی کمی کائنی اتے گوجرانوالہ اچ مقامی سطح تے میڈیکل کالج موجود ہے جتھاں توں اساڈے مقامی بال اتے بالڑیاں ڈاکٹر بنڑ تے نکلدے پئے ہن ۔ انہاں دا بیا آکھنڑ ہئی جوحکومت تے تنقید کرنڑآلیاں کوں ہر پاسے وگاڑ نظرآندے اتے حالات دا رونڑاں روندے راہونڑ انہاں دی عادت بنڑ گئی ہے ۔ جڈانجو اللہ دا کرم ہے جو مسلم لیگ ن دی حکومت 3سال اچ ملک دے اند ر امن گھن آئی ہے اتے دہشت گردی تے قابو پاتے ملک دا مستقبل محفوظ بنڑا ڈتے ۔
