اسلام آباد ۔ 31 مئی (اے پی پی) موجودہ قومی اسمبلی ترائے پالیمانی سال پورے کر گھدے ہن۔چوتھے پارلیمانی سال دا آغاز اج بدھ کوں پارلیمنٹ دے ڈوہیں ایواناں توں صدر مملکت دے خطاب نال تھیسی ۔11مئی 2013دے عام انتخابات دے عبد بنڑ ونجنڑ آلی قومی اسمبلی ا چ مسلم لیگ ن کوں ڈو تہائی اکثریت دے بعد جماعت کوں ملک دی بھج دھرک سانبھنڑ دا موقع ملیا اتے ملکی تاریخ اچ تریجھی دفعہ نواز شریف وزیراعظم منتخب تھئے ،موجود ہ قومی اسمبلی دے ترائے سالاں ا چ اہم قنون سازی سمیت آئین اچ20ویں، 21ویں اتے22ترمیم لاتی گی ایندے علاوہ قومی اسمبلی دیاں قائمہ کمیٹیاں دے اجلاساں اچ اہم قومی امور تے سفارشات تیار کرتے قومی اسمبلی کوں بھجوایاں گیاں ،انتخابی اصلاحات سانگے خصوصی پارلیمانی کمیٹی بنڑائی گی جیں دی سفارشات تے آئین اچ چیف الیکشن کمشنر اتے ارکان دی تقرری دے حوالے نال آئین اچ22ویں ترمیم لاتی گی ۔ موجودہ قومی اسمبلی دے ترائی سالاں دا صدرمملکت ممنون حسین دے پارلیمنٹ دے ڈوہیں ایواناں توں سانجھے اجلاس دے خطاب نال تھیا ۔ چوتھے پارلیمانی سال دا آغازوی پارلیمنٹ دے ڈوہیں ایواناں دے سانجھے اجلاس نال صدر مملکت دے خطاب نال تھیسی۔ موجودہ حکومت ترائے بجٹ پیش کر چکی ہے، چوتھا بجٹ 3جون کوں پیش تھیسی، پی ٹی آئی اتے پاکستان عوامی تحریک دے دھرنیں دے دوران وی پارلیمنٹ دا سانجھا اجلاس جاری رہیا جیں دے بعد پارلیمنٹ دے دفاعی دی جمہوری تاریخی مثال قائم کر ڈتی گی ،سیاسی مبصرین دا آکھنڑ ہے جو نامساعد حالات اتے دھرنیں دے باوجود موجودہ قومی اسمبلی احسن کاکر دگی دا مظاہرہ کریندے ہوئیں کامیابی نال ترائے سال پورے کر گھدے ہن ۔موجودہ اسمبلی دا ساریں توں چنگاں پہلے اے ہے جو موجودہ پبلک اکاﺅنٹس کمیٹی ترائے سالاں اچ 10ہزار توں ودھ آڈٹ اعتراضاں دا جائزہ گھدا اتے قومی خزانے اچ ہک کھرب تے 19ارب دی ریکوری اچ جمع کرائے گے
