اسلام آباد ۔ 23 مئی (اے پی پی) وفاقی وزیر داخلہ چوہدری نثار علی خان ‘ وفاقی تحقیقاتی ادارہ (ایف آئی اے) کو ںادارے دی تنظیم نو سانگے مقررہ ویلھے دے اندر قلیل المدت،وسط مدت اتے طویل المدت پلان پیش کرن۔وزیر داخلہ سی ڈی اے اتے اسلام آباد کیپیٹل ٹیریٹری انتظامیہ دی گھٹ آمدن آلے وفاقی سرکاری ملازماں دی ودھدی ہوئی لوڑھ کوں پورا کرنڑ سانگے وفاقی دارالحکومت اچ نویں سیکٹر بنڑاونڑ دی وی اصولی منظوری ڈے ڈتی۔وفاقی دارالحکومت اچ اراضی مالکاں دی شکایت دے ازالے سانگے خصوصی سیل بنڑاونڑ دی ہدایت کیتی۔ وزیر داخلہ ‘ جنیوا اچ قائم انٹرنیشنل سول ڈیفنس آرگنائزیشن دے ایگزیکٹو کمیٹی دے اراکین دے 2017ء اچ اسلام آباد اچ تھیونڑ آلے اجلاس دی میزبانی دی ہک تجویز دی وی منظوری ڈتی اے۔ وزیر داخلہ چوہدری نثار علی خان انہاں اقدامات دی منظوری ہک اعلیٰ سطح دے اجلاس دی صدار ت کریندیں ہویئں ڈتی جئیں اچ چیئرمین نادرا’ ڈائریکٹر جنرل امیگریشن اینڈ پاسپورٹ، ضلعی انتظامیہ اتے وزارت داخلہ دے سینئر حکام شریک تھیے۔
