اسلام آباد ۔ 26 مئی (اے پی پی) وفاقی وزیر وزارت سمندر پار پاکستانیز تے ترقی و انسانی وسائل پیر سیّد صدرالدین شاہ راشدی نال پاکستان اچ جاپان دے سفیرتاکاشی کرائی اتھاں ملاقات کیتی اتے ڈو طرفہ دلچسپی دے اموراتے ڈو طرفہ تعلقات تے گالھ مہاڑ کیتی ۔ ڈوہائیں رہنماواں عالمی معاملیاں بشمول دہشت گردی بارے ہکو سنویں نقطہ نظر تے اطمینان دا اظہار کیتا۔ وفاقی وزیر زندگی دے مختلف شعبیاں بشمول تعلیم، صحت اتے سماجی شعبے اچ جاپان دی حکومت دے تعاون دی تعریف کیتی ۔ وفاقی وزیر جاپان دے سفیر کوں آکھیا جو او پاکستان اچوں افرادی قوت دی درآمد کیتے نویں موقعے گولن ۔
