اسلام آباد ۔ 15 مئی (اے پی پی)پاکستان ٹورازم ڈویلپمنٹ کارپوریشن (پی ٹی ڈی سی )سیاحت دے فروغ کیتے خصوصی رمضان پیکج دی تیاری شروع کرڈتی ہے جیندا مقصد رمضان المبارک دے مہینے اچ سیاحت کوں فروغ ڈیونڑ ہے ۔ پی ٹی ڈی سی حکام دے مطابق رمضان خصو صی پیکج دے دوران ایوبیہ ،ناران ،بالا کوٹ ،سیدو شریف ،کالام ،چترال ،بونی ، وادی کیلاش ،رمہ جیل ،سکردو اور بشام سمیت بئے سیاحتی مقامات تے سیاحواں کوں پی ٹی ڈی سی ہوٹلز اتے موٹلز اچ جاہ ڈیونڑ ، کھاونڑ پیونڑ اتے ٹرانسپورٹ کیتے خصوصی رعایت ڈتی ویسی ۔ پی ٹی ڈی سی حکام دے مطابق راولپنڈی اتے ناران وچال موسمی بس سروس کوں پہلی جون توں شروع کیتا ویسی ایندے توں ملکی دے غیر ملکی سیاح فیدہ چاء سگسن۔ اے بس سروس 1997توں ہر سال گرمیاں دے موسم اچ چلائی ویندی ہے ۔
