اسلام آباد ۔ 2 جون(اے پی پی) وفاقی وزیر خزانہ سینیٹر محمد اسحاق ڈار آکھیا جو جی ڈی پی دی شرح نمو 4.71فیصد ،مجموعی صنعتی شرح نمو اچ ودھارا،صنعتی ترقی 6.8فیصد،وڈے صنعتی اداریاں دی شرح ترقی 4.61فیصد رہی،آٹو موبائل سیکٹر دی شرح نمو23.4فیصد،کھاددے شعبے اچ15.9دا ودھارا،منرل پراڈیکٹس اچ 10.23فیصد،سییمنٹ سیکٹر اچ 10.4فیصد اتے کیمیکل دی صنعت دی شرح ترقی اچ 10فیصد ودھارا جڈانجو کان کنی دے شعبے اچ وی 6.8فیصد ودھارا تھیے،کپاہ دی فصل خراب اتے پیداوار اچ 28فیصد گھٹکی نہ تھیندی تاں جی ڈی پی دی شرح نمو ہدف دے بئے نیڑے ہوندی،آندے مالی سال دے بج اچ 5وڈے برآمدی شعبیاں سانگے سیلز ٹیکس دی شرح زیرو ریٹد دی تجویز اے جیڑھی جو کل پیش کیتی ویسی،آندے بجٹ اچ زرعی شعبے دی ترقی سانگے خصوصی اقدامات کیتے ویسن۔انہاں آکھیا جو آندے بجٹ اچ زرعی شعبے دی ترقی سانگے خصوصی اقدامات کیتے ویسن،خمیس کوں اجوکے مالی سال 2015-16ء دا اقتصادی سروے پیش کریندیں ہوئیں وفاقی وزیر خزانہ اسحاق ڈار آکھیا جو بجلی دی پیداوار اچ گزریل مالی سال 11.98شرح نمو رہی اتے ایں سال 12.18فیصد رہی اے۔بجلی اتے گیس دی ونڈ اچ وی ودھارا تھیے۔خدمات دے شعبہ دی ترقی 5.71فیصد رہی اے جیڑھی جو گزریل سال 4.31فیصد ہئی ،ایندے اچ ٹرانسپورٹ کمیونیکیشن، بینکنگ سیکٹر اتے بجے شعبیاں دی کارکردگی اچ ودھارا تھیے۔ہول سیل اتے ریٹیل ٹریڈ دے کاروبار اچ 4.57فیصد دا ودھارا تھیے جڈانجو گزریل سال اے ودھارا 2.63فیصد ہا۔امن و امان دی صورتحال دی بہتری اتے عالمی مارکیٹ اچ تیل دے نرخاں اچ گھٹکی تھی اتے افراط زر دی گھٹکی نال ملک دی اقتصادی شرح نمو اچ ودھارا تھیے۔فنانس اتے انشورنس دے شعبے اچ 7.84فیصد شرح ریکارڈ کیتی گئی اے جیڑھی جو گزریل سال 6.48فیصد رہی ،ایندے اچ بینکنگ سیکٹر دی کارکردگی اچ نشابر ودھارا ریکارڈ کیتا گئے۔ٹرانسپورٹ، سٹوریج کمیونیکشن دے شعبیاں دی شرح نمو4.06فیصد رہی جڈانجو کمیونیکیشن دے شعبے اچ نشابر ودھارا تھیے۔پاکستان ریلوے اتے پی آئی اے دی کارکردگی چنگی رہی۔ریلوے دی آمدنڑی اچ 13.8فیصد ودھارا تھیے،ایں مالی سال وچال تھری اتے فور جی دے آغاز نال ٹیلی کمیونیکیشن دے شعبے اچ نشابر ترقی ریکارڈ کیتی گئی اے
