نیویارک ۔ 29 جون (اے پی پی) اقوام متحدہ دے سیکر ٹری جنرل بان کی مون ترکی اچ دہشتگردی دے واقعے دی ودھ سارے لفظاں اچ مذمت کیتی ہے ۔ اقوام متحدہ دے دفتر توں جاری بیان اچ انھاں استنبول دے اتاترک انٹر نیشنل ائیر پورٹ تے فائرنگ تے خود کش حملیں دی مذمت کریندے ہوئیں قیمتی جاناں دے ضیان تے افسوس دا اظہار کیتا ہے ۔انھاں آکھیا جو ڈکھ دے ایں ویلھے اچ ترک عوام دے نال ہن ۔اقوام متحدہ دے سیکر ٹری جنرل امید ظاہر کیتی جو حملے اچ ملوث عناصر نشابر تھی ویسن اتے انہاں کوں قنون دی کچاری اچ گھن آیا ویسی ۔
