تہران ۔ 16 جون(اے پی پی) ایران دے صدر ڈاکٹر حسن روحانی آکھیا اے جو ایرانی حکومت سینٹرل بینک توںتقریبا ڈو ارب ڈالر دی ڈکیتی اتے انہاں کوں ضبط کرنڑ تے امریکا دے خلاف بین الاقوامی انصاف دی عدالت وچ مقدمہ درج کرا ڈتا ہے۔ایران دے سرکاری خبرساں ادارے دے مطابق ڈاکٹر حسن روحانی شہیداںدے گھر آلیاں افطار پارٹی دے موقع تے آکھیا جو ایراندی حکومت اپنڑی قوم دے حقوق دے حصول، ڈو ارب ڈالرز دی واپسی اتے ایران کوں پجنڑ آلے نقصان دے ازالے تائیں ایں کیس دی پیروی کریندی راہسی۔ ڈاکٹر حسن روحانی آکھیا جو امریکی عدالت غیر قنونی فیصلہ سنڑا تے ا یہ رقم انہاں امریکیاں دے اہل خانہ کوں ڈتیاں جیرھے لبنان وچ مارے گئے اتے ا یہ گالھ واضح کائنی ہے جو امریکی لبنان وچ کیا کریندے پئے ہن اتے ایں مسئلے دا ایران نال کیا تعلق ہے۔امریکی سپریم کورٹ گزریل اپریل وچ لبنان وچ 1983ءوچ بمب دھماکے وچ ہلاک تھیونڑ آلے امریکیا ں دے اہل خانہ کوں ایران دے منجمد کیتے گئے اثاثاں توں تقریبا ڈو ارب ڈالر ڈیونڑ دی توثیق کیتی ہائی۔
