تیانجن ۔ 27 جون(اے پی پی) چینی وزیر اعظم لی کیچیانگ آکھیا ہے جو برطانیہ دے یورپی یونین توں انخلاپاروں عالمی سطح تے بے یقینی اچ ودھارا تھیسی۔جرمن ذرائع دے مطابق چینی وزیراعظم انہاں خیالاں دا اظہار چین دے شمالی شہر تیا نجن اچ منعقد ورلڈاکنامک فورم دے شرکاءتوں خطاب کریندے ہوئیں کیتا ۔انہاں آکھیا جو چینی حکومت ہک متحد اتے مستحکم یورپ دے نال خوشحال برطانیہ دی خواہش وی رکھیندی ہے ۔انہاں آکھیا جو یورپ چین دا ہک اہم شراکت دار ہے اتے حکومت چینی یورپی تعلقات دے ودھارے سانگے ہر ممکن اقدامات کریسی ۔چینی وزیراعظم دا آکھنڑ ہا جو اقتصادی عالمگیریت دے دور اچ کوئی وی ملک کلھا ترقی دی منزل پار نی کر سگدا۔
