دفاعی اتے نیو کلیئر صلاحیتاں اچ ودھارے دی بھارتی کوششاں نال خطہ عدم استحکام دا شکار تھیسی،”را” بلوچستان اتے کراچی اچ تخریبی سرگرمیاں اچ ملوث اے،دفتر خارجہ دے ترجمان دی پریس بریفنگ

اسلام آباد ۔ 2 جون(اے پی پی)دفتر خارجہ دے ترجمان آکھیا جو بلوچستان اچ پکڑیے گئے بھارتی را ایجنٹ دے اعترافی بیانات تے بئی گرفتاریاں تھین ۔دفاعی اتے نیو کلیئر صلاحیتاں اچ ودھارے دی بھارتی کوششاں نال خطہ عدم استحکام دا شکار تھیسی،”را” بلوچستان اتے کراچی اچ تخریبی سرگرمیاں اچ ملوث اے،بھارت نال کشمیر سمیت سارے تصفیہ طلب معاملیاں تے گالھ مہاڑ سانگے تیار اے،پاکستان دہشت گردی توں ساریاں توں ودھ متاثر ملک اے،افغان مہاجرین دے قیام دی مدت اچ توسیع دی اقوام متحدہ درخواست تے غور کیتا ویندا پئے۔پشاور اچ افغان قونصلیٹ افغان قونصل جنرل ولوں سکیورٹی روٹ دی خلاف ورزی تے بند کیتا گئے ۔چار فریقی رابطہ گروپ فعال اتے افغان حکومت اتے عوام دی قیادت اچ طالبان نال امن مذاکرات سانگے کوشاں اے۔پاکستان اتے افغانستان وچال بارڈر منیجمنٹ ڈوہاں ملکاں دے فائدے اچ اے۔سی پیک ہک حقیقت اے،اے گیم چینجر نئیں جڈاں جو فیٹ چینجر منصوبہ اے۔خمیس کوں ہفتہ وار پریس بریفنگ اچ دفتر خارجہ دے ترجمان محمد نفیس زکریا آکھیا جو را بلوچستان اتے کراچی اچ تخریبی سرگرمیاں اچ ملوث اے۔پاکستان دی سکیورٹی ایجنسیاں ایں توں واقف ہن اتے ہر قسم دے چیلنجاں سانگے تیار ہن ۔جاپان ولوں بھارت اچ بئی ایٹمی ریکٹر دی تعمیر بارے ہک سوال دے جواب اچ انہاں آکھیا جو دفاعی اتے نیوکلیئر صلاحتیاں اچ ودھارے دی بھارتی کوششاں نال خطہ عدم استحکام دا شکار تھیسی۔انہاں آکھیا جو پاکستان سکیورٹی اتے استحکام دی بنیاد اں تے نیو کلیئر سپلائرز گروپ دی رکنیت سانگے درخواست ڈتی اے اتے پاکستان ہر لحاظ نال گروپ دی رکنیت دا حقدار اے۔افغان مہاجرین بارے ترجمان آکھیا جو پاکستان اچ افغان مہاجرین دے قیام دی مدت 30جون کون مک گئی اے جڈانجو اقوام متحدہ افغان مہاجرین دے قیام دی مدت اچ ودھارے دی درخواست ڈتی اے جئیں تے غور کیتا ویندا پئے ۔