تاشقند ۔ 24 جون(اے پی پی) شنگھائی تعاون تنظیم دے سربراہ اجلاس دے موقع تے صدر مملکت ممنون حسین اتے افغانستان دے صدر اشرف غنی وچال ملاقات تھی جئیں اچ آپسی دلچسپی دے معاملیاں تے گالھ مہاڑ کیتی گئی۔ایں موقع تے مشیر خارجہ سرتاج عزیز ،سیکرٹری خارجہ اتے بئے حکام وی موجود ہن ۔صدر مملکت ممنون حسین ایں موقع تے آکھیا جو پاکستان سمجھدے جو مئوثر سرحدی نظام پاکستان اتے افغانستان ڈوہاں دے فائدے اچ اے۔طورخم اچ تھیونڑ آلے اجوکے واقعات بدقسمتی اتے چنگی ہمسائیگی اتے دوستانہ تعاون دے جذبے نال مناسبت نی رکھیندے۔ایں بارے ڈوہاں صدر وزراء خارجہ دی نگرانی اچ اعلیٰ سطح مشاورتی میکنزم بنڑاونڑ دی تائید کیتی اتے توقع کیتی جو اے میکنزم مسئلیاں دے حل اتے تعاون دے ودھارے سانگے نتیجہ خیز ثابت تھیسی۔انہاں آکھیا جو پاکستان افغانستان نال آپنڑے تعلقات کوں بہوں اہمیت ڈیندے اتے افغانستان اچ امن،استحکام اتے ترقی پاکستان دا فائدے اچ اے۔صدر مملکت آکھیا جو پاکستان اتے افغانستان کوں پاکستان اچ موجود رجسٹر اتے غیر رجسٹر افغان مہاجرین دی افغانستان اچ مستقل آبادی کاری سانگے مذاکرات کرنڑے چاہیدے ہن ۔
