انقرہ ۔ 29 جون (اے پی پی)غزہ پٹی سانگے ترکی دا امدادی سمان نال لڈیا جہاز اسرائیلی بندرگاہ تے لنگر انداز تھی گیا ۔جرمن ذرائع ابلاغ دے مطابق ترک حکومت آکھیا ہے جو اسرائیلی فوج ولوں پوری جانچ پڑتال دے بعد اے امداد سامان غزہ اچ ونڈیا ویسی ۔اے امدادی سامان عید دے موقع تے غزہ دے شہریاں سانگے خیر سگالی دا سنھیا ہوسی ۔واضح رہے جو گزریل ڈینھ اسرائیل تے ترکی ہک معاہدے تے دستخط کیتے ہن جیں دے تحت ترکی کوں اجازت ڈتی گی ہے جو او غزہ اچ امدادی سامان بھیج سگدا ہے ۔
