اسلام آباد ۔ 2 جون(اے پی پی) وفاقی وزیر مذہبی امور سردار محمد یوسف آکھے جو مذہب اساکوں نفرت دی جاہ تے محبت دا سبق ڈیندے ، اساکوں انہاں وجوہات کوں مکاونڑاں ہوسی جنہاں پاروں مختلف مذہباں اتے فرقیاں وچال غلط فہمیاں اتے نفرتاں پھیلدیاں ہن ۔ مذاکرات نال عالمی سطح تے مختلف مذہباں وچال ہم آہنگی پیدا کرنڑ اچ مدد ملسی ۔ بدھ کوں اتھاں مقامی ہوٹل اچ مجلس علمائے پاکستان ولوں تھیونڑآلی ہک عالمی امن اتے بھرا بھرپی کانفرنس نال خطاب کریندے ہوئیں بادشاہی مسیت دے خطیب مولانا عبدالقدیر آزاد آکھیا جو دنیا اچ لگی ہوئی بھاہ تے پانڑیں مذہباں وچال مذاکرات نال ہی پاتا ونج سگدے ۔ وزیر مملکت سائرہ افضل تارڑ آکھے جو مدینہ اچ مسلماناں دے نال نال غیرمسلم وی راہندے ہن ، نیشنل ایکشن پلان پاروں ڈوجھے فرقیاں نال تعلق رکھنڑ آلیاں کوں کافر کافر آکھنڑ دا سلسلہ رک گئے ۔ انہاں علمائے کرام تے زور ڈتے جو او پولیو کوں مکاونڑ سانگے حکومت دی مدد کرن۔ اٹلی دے سفیر آکھیا جو غلط فہمیاں مکاونڑ کیتے مذہباں وچال مذاکرہ لازمی ہے اتے اے کم مذہبی اگوانڑ ہی کر سگدے ہن ۔ ایں موقعے تے وفاقی وزیر مذہبی امور سردار محمد یوسف آکھے جو وزارت مذہبی امور قومی کمیشن برائے اقلیتی امور تشکیل ڈے ڈتے وزارت مذہبی امور مذہباں وچال ہم آہنگی بارے 13نکاتی ضابطہ اخلاق تیار کرگھدے ، اساکوں انہاں وجوہات کوں مکاونڑاں ہوسی جنہاں پاروں نفرتاں پیدا تھیندیاں ہن۔
