اسلام آباد ۔ 30 جون(اے پی پی) حکومت فیصلہ کیتے جو کستان توں افغان پناہ گزیناں دی جلد واپسی سانگے افغان حکومت اتے اقوام متحدہ دے پناہ گزیناں دے ادارے نال گالھ مہاڑ کیتی ویسی۔اے فیصلہ خمیس کوں مشیر خارجہ سرتاج عزیز اتے وفاقی وزیر سیفران عبدالقادر بلوچ دی مشترکہ صدارت اچ اعلیٰ سطحی اجلاس اچ کیتا گئیا۔وزارت خارجہ اچ تھیونڑ آلے اجلاس اچ پاکستان اچ افغان پناہ گزیناں دی وطن واپسی تے مئوثر عملدرآمد دے طریقہ کار دی تشکیل اتے انہاں دے انتظام اتے ایں بارے پیشرفت بارے گالھ مہاڑ کیتی گئی ۔اے اجلاس 28جون کوں وزیر اعظم دے احکامات دی روشنی اچ سڈیا گئے جئیں اچ افغان پناہ گزیناں دے قیام دے مدت اچ 6مہینیاں دی توسیع ڈتی گئی ہئی ۔دفتر خارجہ دے بیان دے مطابق وزارت خارجہ ایں معاملہ تے افغانستان دی حکومت نال سیاسی تے سفارتی سطح تے گالھ مہاڑ جاری رکھیسی جڈانجو سیفران دی وزارت اقوام متحدہ دے پناہ گزیناں دے ادارے اتے افغانستان دی پناہ گزیناں بارے وزارت نال معاملے طے کریسی تانجو پاکستان توں افغان پناہ گزیناں دی محفوظ اتے مرحلہ وار واپسی کوں یقینی بنڑاایا ونجے سگے اتے انہاں کوں جلدی آپنڑے افغانستان دے انہاں پر امن علاقیاں اچ بھجوایا ونج سگے جتھاں افغان حکومت انتظامات کرے۔
