اسلام آباد ۔ 15 جون(اے پی پی) وزیر اعظم دے مشیر برائے خارجہ امور سرتاج عزیز دا میجر علی جواد خان چنگیزی دی شہادت تے ڈکھ تے افسوس کریندیں ہوئیں افغان فورسز ولوں بلا اشتعال فائرنگ نال بارڈر منیجمنٹ سانگے پاک آرمی دی کوششاں کوں سبوتاز کرنڑ تے تشویش کیتی اے۔سرتاج عزیز آکھیا جو سرحدی کنٹرول مستحکم کرنڑ سانگے موثر اقدامات کیتے بغیر سرحد دے ڈوہیں پاسوں پائیدار امن تے استحکام قائم نی کیتا ونج سگدا۔بدھ کوں دفتر خارجہ دے ترجمان دے مطابق سرتاج عزیز افغان فورسز ولوں بلا اشتعال فائرنگ نال میجر علی جواد خان دی شہادت تے ڈکھ تے افسوس کیتا۔
