ممبئی ۔ 24 جون(اے پی پی) بھارتی اداکار شاہ رخ خان دی سماجی میل جول دے پلیٹ فارم ٹویٹر تے فالورز دی تعداد 2 کروڑ تھی گئی۔ شاہ رخ خان ٹویٹر تے اپنڑے پرستاراں دی تعداد 2 کروڑ تھیونڑ تے اپنڑی ٹویٹ وچ انہاں دا شکریہ ادا کیتا اتے آکھیا جو انہاں دے فالورز دے پیغامات انہاں کوں ہک چنگا انسان بننڑن وچ بہوںمدد ڈتی ہے۔ شاہ رخ خان اپنڑے فین سانگے اپنڑے وڈیو پیغام وچ آکھیا جو میں شاہ رخ خان تساڈا شکریہ ایں گالھ دا نی کریندا پیا جوتساڈی تعداد 20 ملین تھی گئی ہے بلکہ ایہ شکریہ ایں شئے دا ہے جو تساڈے مشورے اتے پیغامات میری ذات وچ چنگائی گھن آونڑ وچ معاون ثابت تھئے۔ انہاں آکھیا جوتساڈے پیغامات میکوں روزانہ درپیش آونڑ آلے کئی معاملیاں نال نبڑن وچ مدد ڈتی۔ انہاں آکھیا جو ا وہ کڈاہیں انہاںٹویٹس کوں پڑھ تے خوش تھیندے ہن تاں کڈاہیں کڈاہیں رو ندے اتے کڈاہیں سخت غصہ وی تھیندے ہن۔
