اسلام آباد ۔ 17 جون(اے پی پی) وفاقی وزیر تجارت انجینئر خرم دستگیر خان آکھیا جو پاکستان ہنگری اچ تجارتی نمائش اتے بزنس فورم منعقد کریسی،پاکستان مغربی اتے وسطی یورپ نال نال نال مشرقی یورپ کوں وی برآمدات اچ ودھارے سانگے کوشاں اے۔اے گالھ انہاں پاکستان اچ ہنگری دے سفیر اسٹون زابو نال ملاقات وچال گالھ مہاڑ کریندیں ہوئیں آکھی۔وفاقی وزیر آکھیا جو پاکستان اچ زرعی ٹیکنالوجی، فوڈ پراسیسنگ، ڈیری پراسیسنگ، قابل تجدید توانائی، انفارمیشن ٹیکنالوجی، پانڑی دی مینجمنٹ اتے ترسیل، شہری کوڑے دی مینجمنٹ اتے انفراسٹرکچر دے شعبیاںاچ سرمایہ کاری دی گنجائش اے جئیں توں ہنگری دی کمپنیاں فائدہ چا سگدن۔ہنگری دے سفیر ڈسایا جو ہنگری دے ایکسپورٹ امپورٹ(ایگزم) بینک کم شروع کر ڈتے جئیں نال ڈوہاں ملکاں دی تجارت اچ ودھارا تھیسی۔
