کابل ۔ 24 جولائی (اے پی پی) افغانستان دے صدر محمد اشرف غنی ملک اچ ہک ڈینھ دے عام سوگ دا اعلان کیتے ۔ افغان صدر دارالحکومت کابل اچ خودکش حملے اچ مرنڑآلیاں دے احترام اچ اتوار کوں ہک ڈینھ دے عام سوگ دا اعلان کریندے ہوئیں آکھے جو افغانستان دہشت گرداں تے قابو پاء گھنسی ۔ افغان صدر محمد اشرف غنی ٹیلی ویڑن تے آپنڑیں خطاب اچ ایں گالھ آلے پاسے اشارہ کریندے ہوئیں آکھے جو کابل اچ دہشت گردانہ حملہ کرنڑآلے معاشرے اچ اختلاف اتے لوکیں وچال تفرقہ پاونڑاں چاہندے ہن ۔یاد ہووے جو گزریل ڈینھ تھیونڑآلے ایں خودکش حملے اچ تقریبا 80 افراد جاں بحق اتے 3 سو زخمی تھی گئے ہن ۔
