دمشق ۔ 28 جولائی (اے پی پی) شام دے صدر بشار اسد آکھیا ہے جو اگر دہشت گرد ہتھیار سٹ ڈیون تاں انہاں کوں عام معافی ڈتی ویسی ۔ایرانی خبر رساں ادارے دے مطابق دی رپورٹ دے مطابق بشار اسد یونان دے اے ٹی وی نال گالھ مہاڑ کریندے ہوئیں آکھیا جو شام اچ دہشت گردی دیاں کاروائیاں شروع تھیونڑ دے ویلھے توں ہی اساں دہشت گرداں دے سامنڑے اے آپشن رکھیا ہا جو او اپنڑے ہتھیاڑ سٹ ڈیون تاں انہاں کوں عام معافی ڈے ڈتی ویسی ۔شام دے صدر مزید آکھیا جو دہشت گرد معمول دی زندگی ولوں واپس امدے ہن تاں اگر چاہن تاں سیاسی سرگرمیاں تے انتخابات اچ وی حصہ گھن سگدے ہن ۔واضح رہے جو ایں معافی اچ او دہشت گردانہ جرائم شامل کائنی جیرھے جو دہشت گردی دے خلاف جنگ دے قنون اچ آئے ہن ۔
