اسلام آباد ۔ 19 جولائی (اے پی پی) ڈائریکٹر جنرل رینجرز سندھ ‘ وفاقی وزیرِداخلہ چوہدری نثار علی خان نال رابطہ کر تے رینجرز اختیارات دے نوٹیفیکیشن اچ دیری بارے مشورہ کیتا۔منگل کوں وزارت داخلہ ولوں جاری تھیونڑ آلے بیان دے مطابق وفاقی وزیر داخلہ چوہدری نثار علی خان ڈی جی رینجرز نال گالھ مہاڑ کریندیں ہوئیں آکھیا جو نینگراں اتے افسراں آپنڑی جاناں دی پروا نہ کریندیں ہوئیں کراچی اچ امن و عامہ دی صورتحال بہتر بنڑائی۔،انہاں دی محنت اتے کاوشاں کوں کہیں صورت ضائع کائنا تھیونڑ ڈتا ویسی۔انہاں آکھیا جو سندھ اچ رینجرز دی تعیناتی اتے کراچی آپریشن نہ صر ف سارے اسٹیک ہولڈرز بشمول صوبائی تے وفاقی حکومتاں دے آپسی مشورے اتے فیصلے دے بعد شروع کیتا گئے جڈانجو ایندے پچھوں عدلیہ دی واضح ہدایات وی شامل ہن ۔انہاں آکھیا جو رینجرز اختیارات دی توسیع دے معاملے اچ وفاقی حکومت آپنڑاں آئینی کردار نبھیندی رہسی۔
