گال ۔ 31 جولائی (اے پی پی) سری لنکا اتے آسٹریلیا دیاں کرکٹ ٹیماں وچال ڈوجھا ٹیسٹ 4 اگست توں گال انٹرنیشنل سٹیڈیم اچ شروع تھیسی ۔ میزبان ٹیم سری لنکا کوں ترائے میچاں دی سیریز اچ 1-0 دی برتری حاصل ہے، پالے کیلی اچ کھیڈے گئے پہلے ٹیسٹ میچ اچ سری لنکا ڈرامائی انداز اچ آسٹریلیا کوں 106 سکوراں توں ہرا تے سیریز اچ برتری حاصل کیتی ۔ ڈوہائیں ٹیماں وچال ترایجھا اتے اخیری ٹیسٹ 13 توں 17 اگست تئیں کولمبو اچ کھیڈیا ویسی ۔
