واشنگٹن ۔ 21 جولائی (اے پی پی) امریکی صدر براک اوباما مختلف واقعات وچ اٹھ پولیس اہلکاراں دی ہلاکت دے تناظر وچ پورے ملک وچ قنون نافذ کرنڑ آلے اداریاں دے افسراں کوں یقین ڈیوایا جو انھاں کوںقوم دی “مکمل حمایت” حاصل ہے۔قنون نافذ کرنڑ آلے افسراں کوں لکھے گئے ہک خط وچ صدر اوباما دا آکھنڑ ہا جو “اساڈی قوم ڈکھ وچ تساڈے نال ہے۔ پولیس تے کوئی وی حملہ بلاجواز اتے اساں ساریاں تے حملہ ہے۔صدر لکھیا جو اساں مشکل دی ایں گھڑی وچ کٹھے نکلسوں۔ انھاں امریکہ وچ سارے طبقیاں دے لوکاں تے زور ڈتا جو ا وہ “سارے رل مل تے ایںگالھ کوں یقینی بنڑاونڑ جو اساکوں تقسیم کرنڑ دی کوشش کرنے آلے کامیاب نہ تھی سگسن۔امریکا وچ قنون نافذ کرنڑ آلے اداریا دی ہک نمائندہ تنظیم “نیشنل فریٹرنل آرڈر آف پولیس” دے صدر چک کنٹبرے اوباما دے خط دی تعریف کریندے ہوئیں آکھیا جو ہنڑقنون نافذ کرنڑ وآلیاں دی معاونت تے کم کیتا ونجے۔
