اسلام آباد ۔ 26 جولائی (اے پی پی) سینٹ دی قائمہ کمیٹی دفاعی پیداور دے چیئر مین لیفٹیننٹ جنرل (ر) عبدالقیوم فرانس اچ دہشت گردی دے اجوکے واقعات دی مذمت کیتی ہے ۔منگل کو ںلیفٹیننٹ جنرل (ر) عبدالقیوم فرانس دے سفارتخانے دا دورہ کیتا، فرانسسی سفیر نال ملاقات کیتی تے متاثرہ خانداناں نال ودھ ساری ہمدردی دا اظہار کیتا ۔انہاں آکھیا جو پاکستان ڈکھ دے ایں ویلھے اچ برابر دا شریک ہے اتے متاثرہ خاندان نال تعزیت کریندے ۔انہاں آکھیا جو دہشت گردی ہک سانجھی دشمن ہے جیں دے خاتمے سانگے رل تے کوششاں کرنڑیاں ہوسن ۔بعد اچ انہاں سفارت خانے اچ رکھی گی تعزیتی کتاب دے فرانس پاکستان پارلیمنٹرین فرینڈز گروپ دے کارنر تے اپنڑے تاثرات درج کیتے جیں اچ فرانس اچ اجوکی دہشت گردی دے واقعے دی مذمت کیتی گی ۔
