اسلام آباد ۔ 18 جولائی (اے پی پی) 4500 میگاواٹ بجلی پیدا کرنڑ دی استعداد دے حامل داسو ہائیڈرو پاور پراجیکٹ سانگے زمین دی خریداری دا عمل جاری ہے ۔وزارت پانڑیں تے بجلی اتے واپڈا دے حکام وزیر خزانہ سینیٹر محمد اسحاق ڈار کوں منصوبے تے کم دی پیش رفت بارے ڈسایا ۔ وزارت خزانہ دی معاونت نال منصوبے سانگے زمین دے حصول اچ آونڑ آلیاں رکاوٹاں کوں مکا ڈتا گیا ہے ۔ وفاقی وزیر آکھیا جو منصوبے دا پہلا مرحلہ حکومت دی پہلی ترجیح ہے تاں جو قوم کوں سستی بجلی دی فراہمی کوں یقینی بنڑایا ونج سگے ۔عالمی بینک دے کنٹری ڈائریکٹر وی منصوبے دی تکمیل سانگے حکومت دے عزم کوں چنگاں آکھیا۔ انہاں منصوبے سانگے فنڈز دی فراہمی دا یقین ڈوایا ۔
