اسلام آباد ۔ 20 جولائی (اے پی پی) وزیراعظم محمد نواز شریف لندن اچ ہارٹ سرجری کراونڑاتے لہور اچ قیام دے بعد (اج) خمیس کوں واپس اسلام آباد پج ویسن۔ اے گالھ وزیراعظم ہائوس ولوں ڈسائی گئی ہے ۔ یاد راہوے جو وزیراعظم نواز شریف دی لندن اچ 31 مئی کوں کامیاب اوپن ہارٹ سرجری تھئی ہئی جیندے پنج دینھ بعد انہاں کوں ہسپتال توں ڈسچارج کر ڈتا گیا ہئی اتے او 9 جولائی کوں لہو پج گئے ہن ۔ وزیراعظم دی صاحبزادی مریم نواز شریف دے ہک ٹویٹ دے مطابق لہوراچ قیام دے دوران وزیراعظم دی لت اچ کجھ انفیکشن پیدا تھی گیا ہئی اتے ایندا علاج کیتا گیا۔ واضح راہوے جو لندن دے ہسپتال اچ داخل تھیونڑ توں پہلے وزیراعظم پاکستان ہائی کمیشن نال ویڈیو لنک دے ذریعے وفاقی کابینہ دے اجلاس دی صدارت کیتی ہئی ۔ وزیراعظم ہائوس دے ترجمان ڈسایا جو وزیراعظم 21 جولائی کوں واپس اسلام آبادپج ویسن۔
