اسلام آباد ۔ 26 جولائی (اے پی پی) وفاقی وزیر دفاع خواجہ محمد آصف پاکستان اتے ترکی وچال تاریخی اتے مثالی تعلقات کوں سراہندیں ہوئیں ترکی دے صدر طیب ارگان دے جمہوری اقدامات دی تعریف کیتی۔منگل کوں اتھاں ترکی دے ہک اعلیٰ سطح دے وفد وزیر دفاع خواجہ آصف نال ملاقات کیتی۔وزیر دفاع ترک وفد دا خیر مقدم کیتا اتے فیکری ایسکا کوں وزیر دفاع بنڑنڑ تے مبارک ڈتی۔انہاں دفاعی شعبیاں اچ ترکی نال تعلقات کوں ودھاونڑ دا اعادہ کیتا۔انہاں آکھیا جو ڈوہاں ملکاں دی اقوام متحدہ ،او آئی سی ،ای سی او اتے ڈی 8دے پلیٹ فارم تے علاقائی اتے کثیر القومی تعاون سانگے سانجھی کوششاں رہین ۔انہاں آکھیا جو افغانستان دے امن عمل اچ ترکی دی شرکت حوصلہ افزاء اے۔انہاں ترکی دے دفاعی وفد کوں 22توں25نومبر2016ء کوں کراچی اچ تھیونڑ آلی آئیڈیاز 2016ء اچ شرکت دی باقاعدہ دعوت ڈتی۔
