اسلام آباد ۔19 جولائی(اے پی پی) وزیراعظم دے مشیر برائے امور خارجہ سرتاج عزیز آکھیا جو پاکستان آپنڑے قومی مفاد دے تحفظ سانگے اقدامات کریندا رہسی،امریکی سینیٹرز دے اجوکے بیانات امریکی پالیسی دی عکاسی نی کریندے،پاکستان دی دہشت گردی دے خلاف قربانیاں دا اعتراف کیتا ویندے،امریکہ اچ پاکستان دی لابی کوں مضبوط کیتا ویندا پئے۔منگل کوں ایوان بالا اچ مریکی سینیٹرز دے پاکستان بارے بیانات تے گالھ مہاڑ کریندیں ہوئیں انہاں آکھیا جو امریکی سینیٹرز دے اجوکے بیانات امریکی پالیسی دی عکاسی نی کریندے۔امریکی کانگریس نال معمول دی ملاقاتاں اتے رابطے تھیندے رہنسن۔امریکی حکام نال وی معمول دے رابطے جاری رہندن ۔امریکی کانگریس مجموعی طور پاکستان دی پالیسی کوں سراہیے۔اساں ایڈ دی بجائے ٹریڈ دی پالیسی تے ٹردے پیسے۔پاکستان دی امداد اچ گھٹکی بارے وی بل کانگریس اچ مسترد تھیے۔
