ریو ڈی جنیرو ۔ 11 اگست (اے پی پی) ریو اولمپکس وچ امریکا سبھ توں ودھ تمغیاں دے نال بدستور برقرار ہے، امریکہ 11 طلائی، 11 چاندی اتے 10 کانسی تمغیاں دے نال ٹاپ پوزیشن تے ہے۔ چین ڈوجھے اتے جاپان تریجھے نمبر تے پج گئے جڈانجو آسٹریلیا تریجھے توں چوتھے نمبر تے آگئے۔ تفصیلات دے مطابق برازیل وچ سمر اولمپکس دے سنسنی خیز مقابلیاں دا سلسلہ جاری ہے اتے امریکا یاراں سونے، یاراں چاندی اتے 10 کانسی دے تمغے جیتے ہن اتے ا وہ مجموعی طور تے 32 میڈلاں دے نال پہلے نمبر تے ہے۔ چین وی 10 طلائی تمغے حاصل کیتے ہن اتے ا وہ پوائٹنس ٹیبل تے مجموعی طور تے 23 تمغاں دے نال ڈوجھے نمبر تے ہے جڈانجوجاپان 6 سونے، ہک چاندی اتے یاراں کانسی دے تمغے جیتے ہن ایں طرح اوہ 18 میڈلاں دے نال تریجھے نمبر تے ہے، آسٹریلیا مجموعی طور تے 12 میڈلاں دے نال چوتھے، ہنگری پنج طلائی، ہک چاندی اتے ہک کانسی دے تمغے نال پنجویںنمبر تے ہے، روس چار سونے، ست چاندی اتے چار کانسی دے تمغاں دے نال چھیویں نمبر تے ہے اتے ایندے مجموعی تمغیاں دی تعداد 15 ہے، جنوبی کوریا چار سونے، ڈو چاندی اتے ترائے کانسی دے تمغیاں دے نال ستویں نمبر تے ہے، اٹلی ترائے سونے، چھی چاندی اتے ڈو کانسی دے تمغیاں دے نال اٹھویں نمبر تے ہے، انگلینڈ ترائے سونے، ترائے چاندی اتے چھی کانسی دے تمغیاں نال ناویں نمبر تے ہے، فرانس ڈو طلائی، ترائے چاندی اتے ہک کانسی دے تمغے دے نال 10 ویں نمبر تے ہے، قزاخستان یارہویں، تھائی لینڈ بارہویں، جرمنی 13ویں، سویڈن 14ویں، ہالینڈ 15ویں، بیلجیئم 16 ویں، برازیل، کولمبیا، سلوانیہ اور ویتنام 17ویںجڈانجو سپین، یونان اتے سوئٹزرلینڈ 22 نمبر تے ہن، ارجنٹائن، کروشیا، کوسوو پوائنٹس ٹیبل تے25 ویں نمبر تے ہن اتے ا یہ ملک ہک ہک طلائی تمغے اپنڑے ناں کرچکے ہن۔
