اسلام آباد ۔ 21 اگست (اے پی پی) وزارت مذہبی امور عازمین حج دیاں شکایتاں دور کرنڑاتے تکھے توں تکھے رجسٹریشن سانگے حج انکوائری سیل قائم کرڈتے ۔سرکاری زرائع دے مطابق ہنڑ حجاج کرام کہیں وی ویلھے 51 9216980,051 9216981-82 ٹیلی فون نمبراں تے رابطہ کرتے حج بارے فوری معلومات حاصل کرسگسن ۔ انہاں آکھیا جو حجاج اتے انہاں دے رشتہ دار وزارت توں 24 گھنٹے کہیں وی طرح دے معلومات حاصل کرسگدے ہن ۔ ایں طرح عازمین حج مخصوص ہیلپ لائن تے شکایتاں وی درج کروا اتے معلومات گھن سگدے ہن ۔ ایندے علاوہ پاکستان اچ حجاج یا انہاں دے رشتہ دار 042-111-725-425 تے رابطہ کرسگدے ہن ، یا او ٹول فری نمبر 800-1166622 تے سعودی عرب مفت کال کرسگدے ہن ۔ سارے عازمین حج کوں ہدایت کیتی گئی ہے جو او موبائل سم کارڈ حاصل کرنڑ سانگے پاسپورٹ دے پہلے ورکے ، سعودی ویزا،اتے امیگریشن دی فوٹو کاپی دا انتظام کرن۔
