اسلام آباد ۔ 11 اگست (اے پی پی) وزیراعظم محمد نواز شریف شہرہ آفاق کرکٹر حنیف محمد دے انتقال تے ودھ سارے ڈکھ اتے افسوس دا اظہار کیتے ۔ ڈکھی ٹبر نال دلی تعزیت دا اظہار کریندے ہوئیں انہاں دعا کیتی جو اﷲ تعالیٰ مرحوم کوں آپنڑیں جوار رحمت اچ جاہ ڈیوے اتے ڈکھی ٹبرکوں اے صدمہ جھلنڑ دا حوصلہ ڈیوے ۔ وزیراعظم مرحوم دے پُتر شعیب محمد کوں ٹیلی فون وی کیتے اتے انہاںد ے پیو دے دے انتقال تے مکانڑ کیتی ہے ۔ وزیراعظم آکھے جو پاکستان اج ہک عظیم اثاثے توں محروم تھی گئے ۔ ماء دھرتی اچ کرکٹ دے فروغ کیتے حنیف محمد دیاں خدمات بے مثال ہن ۔ انہاں آپنڑیں شاندار کارکردگی نال ٹیسٹ کرکٹر دی حیثیت نال عالمی شہرت پاتی اتے آپنڑیاں صلاحیتاں کوں منوایا۔
