اسلام آباد ۔ 15 اگست (اے پی پی)وزیر اعظم محمد نوا زہر فورم تے کشمیریاں دی سیاسی،سفارتی اتے اخلاقی حمایت جاری رکھنڑ دے عزم دا اعادہ کریندیں ہوئیں آکھیا جو کشمیر اقوام متحدہ اتے برصغیر دا ادھورا ایجنڈا اے،پاکستان مذاکرات نال مسئلہ کشمیر دے پر امن تصفیہ دا پکا عزم رکھیندے۔انہاں اے گالھ آزاد کشمیر سانگے مسلم لیگ(ن) دے صدارتی امیدوار مسعود خان نال گالھ مہاڑ کریندیں ہوئیں آکھی۔وزیر اعظم مختلف سفارتی عہدیاں خصوصی طور اقوام متحدہ اچ پاکستان دے مستقل مندوب دی حیثیت نال کشمیر دے کاز کوں اجاگر کرنڑ اچ مسعود خان دے کردار کوں سراہیا۔مسعود خان صدر آزاد کشمیر دے عہدہ سانگے مسلم لیگ(ن) دے امیدوار دی حیثیت نال آپنڑی نامزدگی تے وزیر اعظم دا شکریہ ادا کریندیں ہوئیں آکھیا جو او آزاد کشمیر دی عوام دی فلاح تے بہبود سانگے کم اتے مقبوضہ کشمیر دی منصفانہ جدوجہد آزادی کوں اجاگر کرنڑ اچ مدد کریسن۔
