لاہور۔21ستمبر(اے پی پی ) آئی سی سی ٹیسٹ چیمپئن ٹرافی حاصل کرنڑ زندگی یا یادگار لمحہ اے۔آئی سی سی ٹیسٹ رینکنگ اچ پہلی پوزیشن ٹیم ورک دا نتیجہ اے ۔اے گالھیں پاکستان ٹیسٹ کرکٹ ٹیم دے کپتان مصباح الحق قذافی سٹیڈیم لاہور اچ آئی سی سی دے چیف ایگزیکٹو ڈیوڈ رچرڈسن د ے رلے پریس کانفرنس نال خطاب کریندیں ہوئیں آکھی۔انہاں آکھیا جو قومی ٹیم دے اراکین ،کوچز،پی سی بی دے عہدیداران اتے کھڈاریاں دی فیملیاں دا وی آئی سی سی ٹیسٹ رینکنگ اچ پہلی پوزیشن حاصل کرنڑ اچ اہم کردار نبھائے۔انہاں آکھیا جو اے ٹیم ورک دا نتیجہ اے،کوشش ہوسی جو پہلی رینکنگ لمبے عرصے تئیں رہے،خواہش اے جو ریٹائرمنٹ توں پہلے بھارت دے خلاف ٹیسٹ سیریز کھیڈاں۔ہک سوال دے جواب اچ انہاں ڈسایا جو ملک اچ انٹرنیشنل کرکٹ دی بحالی ہر کھڈاری دہ خواہش اے ،امید اے جو پاکستان اچ انٹرنیشنل کرکٹ جلدی بحال تھیسی۔
