دمشق ۔ 23 ستمبر (اے پی پی) شامی صدر بشارالاسد آکھیا ہے جو ملک دے مشرقی شہر دیر الزور وچ امریکی جہازاں جانڑ بجھ تے شامی فوجیاں تے ہک گھنٹے تئیں فضائی حملے کیتے ، امریکا جنگ بندی مکاونڑ دا ذمے دار ہے۔عرب ذرائع ابلاغ دے مطابق اپنڑے ہک انٹرویو وچ انہاقں آکھیا ہے جو شام وچ جنگ دے جاری رہونڑ دا امکان ہے کیونجو ایندے مخالفین سانگے غیرملکی امداد دی آمد دا سلسلہ جاری ہے۔انھاں آکھیا جو امریکا شام وچ روس دے نال رل مل تے جنگجوواں نال لڑن دا عزم نی رکھیندا۔صدر بشارالاسد انہاں دے الزاماں کوں وی مسترد کرڈتا ہے جو شامی یا روسی جہازاں حلب وچ اقوام متحدہ دے امدادی قافلے کوں فضائی حملے وچ نشانہ بنڑایا ہا۔انھاں ایںگالھ کوں دی وی تردید کیتی ہے جو انہاں دے وفادار فوجی حلب شہر دے باغیاں دے زیر قبضہ حصے وچ امدادی سامان اتے خوراک ڈیونڑتوں روکدے پن ۔
