اسلام آباد ۔ 25 ستمبر (اے پی پی) بھارت مقبوضہ کشمیر اچ جاری مظالم توں د نیا دی توجہ ہٹاونڑ سانگے مختلف ہتھکنڈے استعمال کریندا پئے تانجو ہتھوںخالی اتے معصوم بالیں اتے تریمتیں اُتے جاری مظالم اُتے پردہ پاتا ونج سگے ۔ دفتر خارجہ دے ترجمان آکھے جو ایں سال جولائی اچ نینگرکشمیری حریت پسند رہنما برہان مظفر وانی دی شہادت دے بعد بھارت ولوں ایں طرح دی مہم شرو ع کیتی گئی ہے ۔ انہاں آکھیا جو بھارتی مقبوضہ افواج 100توں ودھ کشمیریاں کوں شہید کرنڑ دے علاوہ سینکڑیاں ہتھوں خالی شہریاں کوں نابینا کرنڑ دے علاوہ ہزاراں کوں زخمی وی کیتے۔ بھارتی وزیر اعظم نریندر مودی کیرالا اچ خطاب دے حوالے نال انہاں آکھیا جو بھارت بغیر کہیں جواز تے الزام لیندا پئے ۔ انہاں آکھیا جو بھارتی رہنماوا ں ولوں بغیر تحقیق دے الزام لائے ویندے پئے ہن، ایں طرح دے غیر ذمہ دارانہ بیانات بھارت دی اعلیٰ سیاسی قیادت دی سوچ کوں ظاہر کریندے ہن ۔ انہاں بھارتی الزامات کوں سختی نال مسترد کریندے ہوئیں آکھیا جو عالمی برادری انسانی حقوق دیاں سنگین خلاف ورزیاں دا نوٹس گھندی پئی ہے اتے ایں بارے اقوام متحدہ ، او آئی سی سمیت کئی ملکاں بھارتی مظالم تے شدید خدشات دا اظہار ظاہر کیتے ۔ انہاں دا بیا آکھنڑ ہئی جو بھارتی مقبوضہ کشمیر اچ انسانی حقوق دی خلاف ورزیاں اتے بھارتی افواج دے مظالم دی غیر جانبدارانہ اتے آزادانہ تحقیقات دا مطالبہ ہر ڈینھ ودھدا پئے ،بیا اے جو ترجمان دفتر خارجہ آکھیا جو بھارت پاکستان تے الزام لیندا پئے ۔
